Funtzionamenduan dauden makina handiak izango dira BIEMH azokaren 32. edizioko protagonistak

Ekainaren 3tik 7ra bitarte Bilbao Exhibition Centren

• Orain arte, merkaturatzearen martxa ona nabarmentzen da
• Automatizazioak, robotikak eta digitalizazioak protagonismo nabarmena izango dute
• Bisitarien kanpaina 150 bat herrialdetan egiten da
• BIEMH Talks-ek edukien agenda zabala eskainiko du

BIEMH azokaren 32. edizioa sekulako ikuskizun industrial eta teknologikoa izango da eta bertako protagonista argiak funtzionamenduan dauden makina handiak izango dira. Fabrikazio aurreratuaren arloko azoka nagusia da eta sektoreko enpresa liderrek baieztatu dute dagoeneko 2024ko BIEMHen izango direla. Horien artean, nabarmentzekoak dira hauek: DANOBAT, SORALUCE, IBARMIA, ZAYER, NICOLAS CORREA, INTERMAHER, MAQUINSER, MAQUINA CENTER, DAUNERT, DELTECO, BLM, AMADA, TRUMPF, TECOI, TCI, GEMINIS eta LAGUN. Gainera, hainbat arrazoirengatik aurreko edizioetan parte hartu ez zuten enpresen itzulera nabarmentzen da: JUARISTI, ISCAR, IZAR, BAHCO, OXYSER, PANATEC, EHAFF eta IRAUPEN dira horietako batzuk.

Abangoardiako makina izugarriez gain, automatizazioak, robotikak eta digitalizazioak ekitaldiko alderdi nabarmen gisa duten posizioa indartuko dute. Sektore horiek efizientziaren hobekuntzari ekarpena egiteaz gain, kalitatea, berrikuntza, malgutasuna eta lehiakortasuna sustatzen dute, eta azokako enpresa erakusketari guztien % 30 inguru ordezkatzen dute.

BIEMH 2024ko erakusketa-eskaintza hainbat sektoretako enpresekin osatuko da, hala nola tresneria; osagarriak; metrologia eta ekoizpenerako zerbitzuak. Hala, industria aurreratuko azken berrikuntzen eta irtenbideen ikuspegi integral eta dibertsifikatua eskainiko dute.

Interes goreneko bisitari profesionalek azokan parte-hartzea bermatzeko, erosleak gonbidatzeko VIP programa BIEMHren pieza gakoetako bat izango da oraingoan ere. Egun, ekitaldiaren sustapena 150 herrialde ingurutan ari gara egiten, bereziki Mexikon, AEBn, Kanadan, Italian, Turkian, Indian, Frantzian, Portugalen, Alemanian, Erresuma Batuan, Eskandinaviako herrialdeetan, Suitzan, Txinan, Txekiar Errepublikan eta Polonian.

Gainera, sektorearen erronkei eta aukerei aurre egin ahal izateko liderra den plataforma eskaintzeko helburuarekin, 2024ko BIEMHek edukien agenda zabala eskainiko du, analisia, eztabaidak eta networkingerako aukerak barne hartuz. Azokaren alderdi aipagarrienetako bat izango da kongresuaren atala: BIEMH Talks-ek, hiru egunez, eta ospe handiko nazioarteko adituen eskutik, automatizazioarekin, robotikarekin, industria arloko eraldaketa digitalarekin eta fabrikazio aditiboarekin eta 3D inprimaketarekin (besteak beste) lotutako teknologiatan sakonduko dute, besteak beste.

BIEMHekin batera, ekainaren 3tik 7ra, honako hauek izango dira BECeko pabilioietan: BeDIGITALEN edizio berria, teknologia digitalen aplikazio industrialera soilik bideratutako foroa; ADDITƐD fabrikazio aditiboaren eta 3D inprimaketen arloko estatuko azoka industrial liderra; eta WORKinn Talent Hub enplegu foroa eta talentuaren espazio integrala.

BIEMH 2024 AFM, Machine Tool Manufacturers; AIMHE, Machine Tools Importers eta Bilbao Exhibition Centrek antolatzen dute eta SPRI – Eusko Jaurlaritza da erakunde babeslea.